Soocha nahi achcha bura dekha suna kuch bhi nahi,
Manga khuda se raat din tere siwa kuchh bhi nahi.
Soocha tujhe dekhaa tujhe chaha tujhe pooja tujhe,
Meri khata meri wafa teri khata kuch bhi nahi.
Jis par hamari ankh ne moti bichaye raat bhar,
Bheja wohi kaghaz usay hum ne likha kuch bhi nahi.
Ik shaam ki dehleez par baithe rahe woh der tak,
Ankhoon se ki baatein bahut muh se kaha kuchh bhi nahi.
Ehsaas ki khushboo kaha awaz ki jugnoo kaha,
Khamosh yaadon ke siwa ghar mein raha kuchh bhi nahi.
Do chaar din ki baat hai dil khaak mein mil jayega,
Jab aag per kagaz rakha baaqi bacha kuchh bhi nahi.♥♥♥
